Saturday 1 November 2014

Tark-e-Talluq ki wajah kuch to batate jaate,


Tark-e-Talluq ki wajah kuch to batate jaate,

Main kahan tak khud me buraiyan dhoondon.

Monday 29 September 2014

Ho saza-e-mout hame to kya lamha hoga woh,


Ho saza-e-mout hame to kya lamha hoga woh,

Ki hum Qazi Se Aakhri khwahish Teri mulaqaat Mangain...!

Thursday 21 August 2014

Paani sasta hai to phir uska tahaffuz kaisa,


Paani sasta hai to phir uska tahaffuz kaisa,

Khoon mehnga hai to har sheher me behta kyun hai.

Wednesday 6 August 2014

Tere Ird-gird hai meri duaao'n ka daaira,


Tere Ird-gird hai meri duaao'n ka daaira,

Main teri aafiyat ki mubarak lakeer hoon!!

Tuesday 22 July 2014

Bo Kar Zameen-e-Dil Me Us Ki Aarzoo Ke Beej



Bo Kar Zameen-e-Dil Me Us Ki Aarzoo Ke Beej,

Baitha Hoon Aaj Ujjhre Huye Zameen Daar Ki Tarah.

Monday 9 June 2014

Khali hain dil fakeer ke kashkol ki tarah,


Khali hain dil fakeer ke kashkol ki tarah,

Is shehr-e-bewafa se wafa kaun le gaya..!

Monday 26 May 2014

Wajood apna Na Rooh apni


Wajood apna
Na Rooh apni,
Bas ek tamasha ye zeest thehri..

Na dil-lagi me sakoon paaya,
Na ashqi me qaraar paaya..

Na wasl lamhe hi raas aaye,
Na firaaq hi hum guzaar paaye.

Ajab ye chahat ke marhale hain,
Na jeet paaye
Na haar paaye..

Na hi yadon ki dhund utri,,
Na dil k daaman ko jhhaar paaye..

Na aankhen khuwabon ko dhoond paa'een,

Na khuwab aankhon ko dhoond paaye..

Bas ek tamasha ye zeest thehri,,
Wajood apna
Na rooh apni..!

Wednesday 14 May 2014

Meri shayri mere tajurbe ka izhaar hai or kuch bhi nahi


Meri shayri mere tajurbe ka izhaar hai or kuch bhi nahi,

Sochta hoon koi to sambhal jayega mujhe padhne ke baad.

Tuesday 6 May 2014

Ajab Dastoor Hai Sahib, Koi Fatwa Nahi Lagtaa


Mohabbat Chhod Dene Par, Dilo Ko Todd Dene Par,

Ajab Dastoor Hai Sahib, Koi Fatwa Nahi Lagtaa.

Friday 25 April 2014

Saturday 19 April 2014

Duaon ke jazeere se Ataaon ki inayat tak


Duaon ke jazeere se
Ataaon ki inayat tak

Hawa ko hum gawah rakh ke
Dua Allah se karte hain

Teri pakeezgi har dam
Tere bakhton me dhal jaye

Diye Roshan umeedon ke
Hamesha chaand se chamken

Tumhen suraj ki kirno me
Tulu-e-subah Mubarak ho

Naya har Pal Mubarak ho
Naya har Din Mubarak ho.

Wednesday 26 March 2014

Lafz taseer se bante hain talaffuz se nahi,


Lafz taseer se bante hain talaffuz se nahi,

Ehl-e-dil aaj bhi hain ehl-e-zuban se aage.


Monday 24 March 2014

Kafeele ret huye dasht-e-junoo me kitne,


Kafeele ret huye dasht-e-junoo me kitne,

Phir bhi awara mizajon ka safar Jaari hai.

Wednesday 12 March 2014

Mohabbat Me Apne Aap Ko Humesha Badshah Samjha


Mohabbat Me Apne Aap Ko Humesha Badshah Samjha,

Ehsas Tab Huwa Jab Wafa Mangi Faqeeron Ki Tarah.

Saturday 1 March 2014

Tuesday 25 February 2014

Logo'n ne guftogu me kureda bahot hamen,


 Logo'n ne guftogu me kureda bahot hamen,

Ham khud se ham kalaam the,aksar nahi mile.

Tuesday 18 February 2014

Hai Koi EhL-e-DiL Jo Khareede Hamara Mizaaj,


 Hai Koi EhL-e-DiL Jo Khareede Hamara Mizaaj,

Hum Zakhmon Ke Khareedar Hain Muhabbaton Ke Bazar Me.

Monday 17 February 2014

Husn Ka Kya Kaam___Sachi Mohabbat Me,


Husn Ka Kya Kaam___Sachi Mohabbat Me,

Aankh Majnu Ki Ho To, Laila Haseen Hi Lagti Hai.

Friday 14 February 2014

Apne Khawabon Ko Andheron ke Hawale Kar Ke,


 Apne Khawabon Ko Andheron ke Hawale Kar Ke,

Ham Ne Sadqa Teri Aankhon Ka Utara Azam..!!

Tuesday 4 February 2014

Teri Rooh Ki Saadgi, Tere Mizaaj Ki Aajzi Se Pyaar Hai,

 

Teri Rooh Ki Saadgi, Tere Mizaaj Ki Aajzi Se Pyaar Hai,

Warna Husn Toh AzaL Se Bikta Raha Hai Misr Ke Bazaron Me,

Monday 3 February 2014

Koi Chahre Ka Deewana Koi Ikhlaaq Ka Talib,


Koi Chahre Ka Deewana Koi Ikhlaaq Ka Talib,

Adaayein Peecha Karwati Hain Mohabbat Kaun Karta Hai.

Tuesday 28 January 2014

Itna na mahsus kar muje khud ke kareeb,


 Itna na mahsus kar muje khud ke kareeb,

Suna hai muhobbat mai judai lazim hoti hai.

Wednesday 22 January 2014

Monday 20 January 2014

Mat karo mere alfazo ko tum is kadar pasand


 Mat karo mere alfazo ko tum is kadar pasand,

Kahi tumhe is shayar se pyaar na ho jaye..!!

Aaj Tu Zauq-E-Sukhan Urooj Pe Hai,

Aaj To Zauq-E-Sukhan Urooj Pe Hai,

Aaj Likhoo'n Ga Wohi Jo Rulaye Tum Ko.

Wednesday 15 January 2014

Na Haath Thaam Sake Na Pakarr Sake Daaman,


 Na Haath Thaam Sake Na Pakarr Sake Daaman,

Bahut Qareeb Se Utth Kar Chala Gaya Koi…!!

Monday 13 January 2014

Mujhe kuch bhi afsos nahi,


Mujhe kuch bhi afsos nahi ki mere pas sab kuch hona chahiye tha,

Main Uss Waqt bhi muskurata tha jab mujhe Rona chahiye tha.

Monday 6 January 2014

Mere liye bhi ab koi wajib dua kare

 

Mahroom-e-Khushiyon ka gham kab se utha raha hoon,

Mere liye bhi ab koi_____wajib dua kare....!!!!